قومی ٹیم کے ہیڈ کوچ ثقلین مشتاق کا کہنا ہے کہ انگلینڈ کو 200 رنز تک روکنے کی کوشش کریں گے۔

پاکستان کرکٹ ٹیم کے ہیڈ کوچ ثقلین مشتاق کا کہنا ہے کہ مثبت سوچ کے ساتھ جو بھی بلے باز جاتا ہے، ہم اسے سپورٹ کرتے ہیں اور جو کھلاڑی پہلے سے اپنی باری کا انتظار کررہے ہیں، انہیں چانس دیا ہے۔

انہوں نے کہا کہ ریحان احمد کا انگلینڈ سے کھیلنا خوش آئند بات ہے، وہ انگلینڈ سے ضرور کھیلتا رہا ہے لیکن تعلق تو پاکستانی سے ہی رہا ہے جب کہ ہم کوشش کریں گے انگلینڈ کو دو سو تک روکیں۔

ثقلین مشتاق کا کہنا تھا کہ ہم سمجھ رہے تھے پہلے دن چار سو رنز کرلیں گے لیکن بابر اعظم رن آوٹ ہونا، اظہر علی کا آوٹ ہونے کا نقصان ہوا، آج وکٹ بھی کچھ سلو لگ رہی ہے، مزید سلو ہو جائے گی، آج ابرار نے ایک وکٹ تو لے لی ہے، مزید بہتری کی امید ہے۔

واضح رہے کہ پاکستانی ٹیم نے انگلینڈ کے خلاف تیسرے ٹیسٹ میں پہلے بیٹنگ کرنے کا فیصلہ کیا اور پہلی اننگز میں 304 رنز پر پوری ٹیم آؤٹ ہوگئی جس کے جواب میں انگلینڈ نے بھی 7 رنز پر ایک وکٹ گنوادیں۔