فٹ بال کی دنیا میں عظیم اور لیجنڈ کھلاڑی کا درجہ رکھنے والے برازیل کے پیلے مقامی اسپتال میں انتقال کر گئے۔

برطانوی خبر رساں ادارے کی رپورٹ کے مطابق برازیل کے لیجنڈ فٹ بالر پیلے جو کہ دنیا کے سب سے بڑے فٹبالر تسلیم کئے جاتے ہیں 82 برس کی عمر میں انتقال کر گئے۔

وہ گزشتہ چند ماہ سے گردے اور پروسٹیٹ کے مسائل میں مبتلا تھے اور ستمبر میں ان کی بڑی آنت سے رسولی نکالنے کے لیے سرجری ہوئی تھی۔

برازیل میڈیا کی رپورٹ کے مطابق پیلے کو فالج کی دیکھ بھال کے لیے اسپتال میں منتقل کیا گیا تھا اور حالیہ دنوں میں ان کی کیموتھراپی روک دی گئی تھی۔

لیجنڈ اسٹرائیکر کو کیریئر میں 1,363 مقابلوں میں عالمی ریکارڈ 1,281 گول کرنے کا سہرا جاتا ہے۔

پیلے واحد کھلاڑی ہیں جنہوں نے تین بار 1958، 1962 اور 1970 میں ورلڈ کپ جیتا ہے۔

تین بار ورلڈ کپ ٹرافی اپنے نام کرنے والے لیجنڈ پیلے کو 2000 میں فیفا کا صدی کا بہترین کھلاڑی بھی قرار دیا گیا تھا۔