صوبائی وزیر خزانہ تیمور سلیم جھگڑا کا کہنا ہے کہ اسحاق ڈار اور مفتاح اسماعیل دونوں ہی مان رہے ہیں کہ پی ڈی ایم کی حکومت میں معاشی تباہی آئی ہے۔

بول نیوز سے خصوصی گفتگو کرتے ہوئے خیبرپختونخوا کے وزیر خزانہ تیمور سلیم جھگڑا نے کہا کہ پاکستان کے مالی چیلنج کا جواب اسحاق ڈار نے ہی دینا ہے کیوں کہ اسحاق ڈار نے اعتراف کیا کہ مفتاح اسماعیل نے چھ ماہ میں کچھ بھی نہیں کیا۔

تیمور سلیم جھگڑا کا کہنا تھا کہ اسحاق ڈار اور مفتاح اسماعیل دونوں ہی مان رہے ہیں کہ پی ڈی ایم کی حکومت میں معاشی تباہی آئی ہے، پاکستان آج جس مقام پر کھڑا ہے اس کی ذمہ دار پی ڈی ایم کی جماعتیں ہیں۔

صوبائی وزیر خزانہ نے کہا کہ مفتاح اسماعیل کو پاکستان تحریک انصاف میں کسی طور قبول نہیں کریں گے، مفتاح اسماعیل کے پاس چھ ماہ کا وقت کا تھا وہ بتا سکتے تھے کے ان پر مریم نواز کا دباؤ تھا۔