پاکستان میں سونے کی قیمت میں ایک بار پھر اضافہ دیکھنے میں آیا ہے جس کے بعد قیمت تاریخ کی بلند ترین سطح پر پہنچ گئی۔

ملک بھر میں سونے کی قیمت میں گزشتہ کئی روز سے مسلسل اضافہ ہورہا ہے اور سونے کی قیمت نئی بلندیوں کو چھو رہی ہے اور آئے روز نئے ریکارڈ قائم ہورہے ہیں۔ آج بھی سونے کی قیمت میں اضافہ دیکھنے میں آیا ہے۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق سونے کی فی تولہ قیمت میں 100 روپے کا اضافہ ہوا ہے جب کہ 10 گرام سونے کی قیمت میں 86 روپے کا اضافہ ریکارڈ کیا گیا۔

پاکستان میں سونے کی قیمت میں اضافے کے بعد قیمتیں ملکی تاریخ کی نئی بلند ترین سطح پر پہنچ گئی ہیں۔

سونے کی قیمت میں اضافے سے فی تولہ سونا ایک لاکھ 70 ہزار 900 روپے کی نئی بلند سطح پر پہنچ گیا جب کہ 10 گرام سونے کی قیمت ایک لاکھ 46 ہزار 519 روپے ہوگئی ہے۔

دوسری جانب عالمی صرافہ مارکیٹ میں بھی سونے کی قیمت میں کمی ریکارڈ کی گئی ہے۔ سونا 9 ڈالر کی کمی سے 1808 ڈالرز فی اونس ہوگیا ہے۔