قومی ٹیم کے نائب کپتان شاداب خان ٹی ٹوئنٹی کرکٹ میں ایک سال میں سب سے زیادہ وکٹیں لینے والے پاکستانی بولر بن گئے۔

پاکستان کرکٹ ٹیم کے آل راؤنڈر شاداب خان نے یہ اعزاز آسٹریلین لیگ بگ بیش کے 14ویں میچ میں اپنے نام کیا۔

یہ بھی پڑھیں؛ لگتا ہے میرا ٹائم بھی اب آنے والا ہے، شاداب خان

آسٹریلیا میں جاری بگ بیش لیگ میں قومی ٹیم کے لیگ اسپنر نے زبردست بولنگ کرتے ہوئے 4 اوورز میں 20 رنز دے کر 3 وکٹیں حاصل کیں۔

Advertisement

Just Shadab doing Shadab things 🇵🇰 #BBL12 pic.twitter.com/SYqtmB2m5y

— KFC Big Bash League (@BBL) December 24, 2022

ان تین وکٹوں کو حاصل کرنے کے بعد شاداب کی 2022 میں لی گئی وکٹوں کی تعداد 61 ہو گئی جب کہ اب تک کوئی بھی پاکستانی بولر ایک ہی سال میں ٹی ٹوئنٹی فارمیٹ میں 61 وکٹیں اپنے نام نہیں کرپایا ہے۔

قومی ٹیم کے فاسٹ بولر حارث رؤف 2022 میں 60 وکٹیں حاصل کرچکے ہیں۔ اس سے قبل وہاب ریاض نے 2019 میں اور اظہر محمود نے 2013 میں 60 وکٹیں حاصل کی تھیں۔