پاکستان کے پیسر حارث رؤف انجری کے باعث انگلینڈ کے خلاف ملتان ٹیسٹ نہیں کھیل پائیں گے۔

تفصیلات کے مطابق انگلینڈ کے خلاف راولپنڈی میں سیریز کے پہلے ٹیسٹ میں ڈیبیو کرنے والے پاکستانی پیسر حارث رؤف انجری کے باعث ملتان ٹیسٹ سے باہر ہو گئے ہیں۔

حارث رؤف پنڈی ٹیسٹ میں فیلڈنگ کے دوران زخمی ہو گئے تھے، وہ ٹیسٹ کے دوسرے دن میدان میں بھی نہیں آئے.

واضح رہے کہ  29 سالہ حارث رؤف نے 13 اوورز کرائے اور 78 رنز دیے انہوں نے اپنے کیرئیر کے پہلے ٹیسٹ میں زیک کرولی کی وکٹ سے اپنا کھاتہ کھولا۔

 واضح رہے کہ ان کو ٹیسٹ ڈیبیو کرانے پر فینز سمیت کچھ سابق کپتانوں نے بھی تنقید کی تھی ۔

شاہد آفریدی نے کہا تھا کہ حارث رؤف سمیت دیگر تمام بولرز کو دیکھ بھال کر استعمال کرنا چاہیے ان کے خیال میں حارث رؤف کو کھلاکر غلطی کی گئی اور انھیں صرف محدود اوورز کی کرکٹ میں ہی رکھنا چاہیے تھا.

ذرائع کا کہنا ہے کہ حارث رؤف کو ملتان ٹیسٹ میں آرام دینے کا فیصلہ کیا ہے تاکہ وہ کراچی ٹیسٹ کے لیے مکمل طور پر فٹ ہو سکیں۔