وزیر خزانہ اسحاق ڈار نے کہا ہے کہ پاکستان انڈونیشیا کے ساتھ اپنے تعلقات کو بہت اہمیت دیتا ہے۔

 تفصیلات کے مطابق وزیر خزانہ اسحاق ڈار سے انڈونیشیا کے سفیر ایڈم ایم ٹوگیو کی ملاقات ہوئی جس میں دونوں ممالک کے تعلقات کو مضبوط بنانے کے اقدامات پر تبادلہ خیال کیا گیا۔

ملاقات میں دونوں ممالک کے درمیان اقتصادی اور تجارتی تعلقات کو مضبوط بنانے پر بھی تبادلہ خیال ہوا۔

مزید پڑھیں؛ اسحاق ڈار کی جھنجلاہٹ سے آئی ایم ایف نالاں

وزیر خزانہ نے انڈونیشیا میں حالیہ زلزلے کی تباہ کاریوں میں جانی نقصان پر ہمدردی کا اظہار کیا جبکہ اسحاق ڈار نے پاکستان میں سیلاب متاثرین کے لیے انڈونیشیا کی حکومت کی امداد کو بھی سراہا۔

وزیر خزانہ اسحاق ڈار نے دونوں ممالک کے درمیان تجارتی اور اقتصادی شراکت داری کو مزید مضبوط بنانے کی خواہش کا اظہار کیا اور کہا کہ پاکستان انڈونیشیا کے ساتھ اپنے تعلقات کو بہت اہمیت دیتا ہے۔