کراچی میں 13 سالہ لڑکی کو زیادتی کا نشانہ بنانے کے بعد قتل کر دیا گیا۔

تفصیلات کے مطابق کراچی کے علاقے موسمیات رہائشی اپارٹمنٹ میں درندگی  کی انتہا، درندہ صفت وحشی ملزم نے 13سالہ بچی کو مبینہ زیادتی کانشانہ بنانےکے بعد قتل کردیا ۔

واقعے کے وقت بچی کے والدین گھر پر موجود نہیں تھے، فرار ہوتے ملزم کو اپارٹمنٹ کے رہائشیوں نے دھرلیا۔

مقتولہ کے والد کا کہنا ہے کہ معلوم نہیں ملزم گھر میں کیسے داخل ہوا،ملزم کو  جانتے بھی نہیں ہیں، سفاک ملزم کو سخت سزا دی جائے۔

پولیس حکام کا کہنا ہے کہ بچی کی لاش پوسٹ مارٹم کے لیے جناح اسپتال پہنچا دی گئی ہے۔

پولیس حکام کا مزید کہنا ہے کہ واقعہ مبینہ ٹاون تھانہ کی حدود میں پیش آیا ،ملزم پیشے سےکارپینٹر ہے جبکہ ملزم سے مزید تفتیش کی جارہی ہے۔