سانحہ ماڈل ٹاؤن کیس میں عدالت نے پولیس افسران کی جانب سے بریت کی درخواستوں پر سماعت ملتوی کردی گئی۔

تفصلات کے مطابق لاہور میں انسداد دہشت گردی کی عدالت میں سانحہ ماڈل ٹاون کیس میں سات پولیس افسران کی بریت کی درخواستوں پر سماعت ہوئی۔

سابق آئی جی مشتاق سکھیرا کی جانب سے محمد کاشف سعید بھٹی ایڈووکیٹ عدالت کے سامنے پیش ہوئے جب کہ عوامی تحریک کے وکیل نعیم الدین چوہدری ایڈووکیٹ بھی پیش ہوئے۔

عوامی تحریک کے وکیل سے عدالت عالیہ کے حکم امتناعی کی کاپی طلب کی گئی۔

انسدادِ دہشت گردی کی عدالت نے کیس پر مزید سماعت 6 جنوری تک ملتوی کر دی۔

انسداد دہشت گردی عدالت لاہور کے جج اعجاز احمد بٹر نے سماعت کی۔

واضح رہے کہ عوامی تحریک نے ہائی کورٹ میں کیس ٹرانسفر کرنے کی درخواست دائر کر رکھی ہے۔

لاہور ہائی کورٹ میں سماعت کا احوال