سندھ ہائی کورٹ نے حکم دیا کہ ہیوی ٹریفک کو آج سے دن کے اوقات میں شہر میں داخل ہونے سے روکا جائے۔

تفصیلات کے مطابق سندھ ہائی کورٹ شہرمیں ہیوی ٹریفک پر پابندی کے حکم پرعملدرآمد کرنے کا بڑا حکم دیتے ہوئے کہا کہ صبح 6سے رات 11بجے تک شہر میں ہیوی ٹریفک کے داخل ہونے سے روکا جائے۔

عدالتِ عالیہ سندھ نے کہا کہ ان اوقات میں شہر میں داخل ہونے والی ہیوی گاڑیوں پر جرمانہ نہیں بلکہ بند کیا جائے۔

جسٹس ندیم اختر نے کہا کہ کوئی ادارہ بھی اس کام میں رکاوٹ ڈالے تو عدالت کو آگاہ جائے۔ نیلی پیلی لائٹس والی اور ہوٹرز والی گاڑیوں کے خلاف کارروائی کی جائے خواہ وہ ایم این اے یا ایم پی ایز کی ہوں۔