فیفا ورلڈکپ  کے کوارٹر فائنل میں مراکش نے پرتگال کو 0-1 سے شکست دے کر پہلی مرتبہ سیمی فائنل میں رسائی حاصل کرلی۔

قطر کے الثمامہ اسٹیڈیم میں کھیلے گئے کوارٹر فائنل میں مراکش فیفا ورلڈکپ کا سب سے بڑا اپ سیٹ کرتے ہوئے کرسٹیانو رونالڈو کی پرتگال کو شکست دے کر پہلی بار فٹبال ورلڈکپ کے سیمی فائنل میں رسائی حاصل کرلی۔

A historic pride of Atlas Lions 🦁@EnMaroc | #FIFAWorldCup pic.twitter.com/MU9FMIRaHo

— FIFA World Cup (@FIFAWorldCup) December 10, 2022

 مراکش کی جانب سے پہلے ہاف میں گول کیا گیا جس کے جواب میں پرتگال کی ٹیم تمام کوششوں کے باوجود مقررہ وقت میں گول برابر نہ کرسکی۔ مراکش کی جانب سے واحد گول یوسف النصیری نے کیا۔

Skywalker 🆙#MAR | #FIFAWorldCup pic.twitter.com/XscSNSHzlW

— FIFA World Cup (@FIFAWorldCup) December 10, 2022

دوسری جانب مراکش کے گول کیپر نے پری کوارٹر فائنل کی طرح پرتگال کےخلاف انتہائی اہم میچ میں بھی کئی یقینی گول بچا کر جیت میں اہم کردارادا کیا۔ انہوں نے پری کوارٹر فائنل میں بھی پلانٹی ککس پر اسپین کے دو حملے ناکام بناکر جیت میں اہم کردار ادا کیا تھا۔

MOROCCO ARE HEADING TO THE SEMI-FINALS! 🇲🇦@adidasfootball | #FIFAWorldCup

— FIFA World Cup (@FIFAWorldCup) December 10, 2022

یاد رہے کہ مراکش کی ٹیم فیفا ورلڈکپ کے سیمی فائنل میں پہنچنے والی پہلی عرب اور افریقی ٹیم بن گئی ہے جب کہ مراکش فیفا ورلڈکپ کے سیمی فائنل تک رسائی حاصل کرنے والا دوسرا مسلم ملک ہے۔ اس سے قبل 2002 کے ورلڈکپ میں ترکی سیمی فائنل میں پہنچا تھا۔

فیفا ورلڈکپ کے سیمی فائنل میں پہنچنے کے بعد مراکش کی پوری ٹیم ٹیم سجدے میں گرگئی۔