عمران خان کی مقبولیت سے خوفزدہ نوازشریف کو چوہدری برادران کی یاد آگئی. 

تفصیلات کے مطابق علاج کے لیے برطانیہ جانے والے مسلم لیگ (ن) کے قائد نوازشریف پنجاب حکومت کے خلاف  بھی سازشوں میں مصروف ہیں۔

مسلم لیگ (ق) کے رہنما اور سابق وزیراعظم چوہدری شجاعت حسین کے صاحزادے چوہدری سالک نے لندن میں مسلم لیگ (ن) کے قائد اور سابق وزیراعظم نواز شریف سے ملاقات کی۔

ذرائع نے بتایا کہ ملاقات کے دوران پنجاب حکومت ختم کرنے سے متعلق بات چیت ہوتی رہی اور میڈیا سے بات چیت میں چوہدری سالک بے بسی کا اظہار کرتے رہے اور نوازشریف اپنے بھائی اور مسلم لیگ (ن) کے صدر شہباز شریف کے ڈیلی میل کیس سے متعلق دعوے کرتے رہے۔

دوسری جانب میڈیا سے بات چیت کرتے ہوئے مسلم لیگ (ق) کے رہنما چوہدری سالک حسین نے کہا کہ نوازشریف نے واپسی کی حتمی تاریخ نہیں بتائی ۔

واضح رہے کہ وفاق میں عمران خان کی حکومت گرانے کے لیے بھی لندن میں سازش ہوئی تھی، اب پرویزالہیٰ کے خلاف سازشیں جاری ہیں۔