سپریم کورٹ نے سابق وزیراعظم عمران خان، فواد چوہدری اوراسد عمر کیخلاف توہین الیکشن کمیشن کیس سماعت کیلئے مقررکردیا۔

تفصیلات کے مطابق سپریم کورٹ میں چیف جسٹس عمرعطا بندیال کی سربراہی میں تین رکنی بنچ 6 دسمبر کو سربراہ تحریکِ انصاف عمران خان، فواد چوہدری اور اسد عمر کیخلاف توہین الیکشن کمیشن کیس کی سماعت کرے گا۔

سپریم کورٹ کے تین رکنی بنچ میں جسٹس عائشہ ملک اور جسٹس اطہرمن اللہ  شامل ہوں گے۔

سپریم کورٹ نے مقدمے کے فریقین کو نوٹس جاری کر دیے۔

الیکشن کمیشن نے مختلف ہائی کورٹس میں زیرالتوا مقدمات یک جا کرنے کی استدعا کر رکھی ہے۔

دوسری جانب عمران خان کے خلاف توہین عدالت کیس میں جسٹس اعجازالاحسن نے ریمارکس دیتے ہوئے کہا کہ عمران خان نے سپریم کورٹ کو براہِ راست کوئی یقین دہانی نہیں کرائی تھی، ثابت کرنا ہوگا کہ عمران خان کی ہدایت پر یقین دہانی کرائی گئی۔

چیف جسٹس پاکستان عمر عطاء بندیال کی سربراہی میں سپریم کورٹ کے 5 رکنی بینچ نے سماعت کی جس کے دوران وزارتِ داخلہ کے وکیل سلمان اسلم بٹ نے عدالت کو بتایا کہ جواب اور دیگر دستاویزات آ گئی ہیں۔

چیف جسٹس پاکستان عمر عطاء بندیال نے دریافت کیا کہ سلمان اکرام راجہ صاحب کہاں ہیں؟

سماعت کی تفصیل