کراچی کنگز نے پاکستان سپر لیگ سیزن 8 سے قبل عماد وسیم کو کپتان مقرر کردیا ہے۔

تفصیلات کے مطابق کراچی کنگز نے پاکستان سپر لیگ کے آئندہ آٹھویں ایڈیشن کے لیے عماد وسیم کو اپنا نیا کپتان بنانے کا اعلان کر دیا ہے۔

عماد وسیم، بابر اعظم سے ذمہ داریاں سنبھالیں گے جنہوں نے حال ہی میں کراچی کنگز سے علیحدگی کا فیصلہ کیا تھا اور آٹھویں ایڈیشن سے قبل پشاور زلمی میں شمولیت اختیار کی تھی۔

عماد وسیم کی کپتانی میں کراچی کنگز نے ٹورنامنٹ کے 2020 ایڈیشن میں پی ایس ایل کا ٹائٹل اپنے نام کیا تھا۔

تاہم، فرنچائز نے نومبر 2021 میں اعلان کیا تھا کہ بابر فرنچائز کی قیادت کریں گے اور عماد وسیم کی جگہ ملازمت پر ہوں گے۔

بابر اعظم نے ٹورنامنٹ کے پچھلے ایڈیشن میں فرنچائز کی قیادت کی تھی، لیکن اب ان کی رخصتی کے ساتھ ہی عماد کو دوبارہ کپتان مقرر کر دیا گیا ہے۔

پی ایس ایل 8 کا ڈرافٹ کل (15 دسمبر) کراچی میں ہوگا جب کہ ٹورنامنٹ 9 فروری 2023 سے 19 مارچ 2023 تک لاہور، کراچی، راولپنڈی اور ملتان میں چار مقامات پر کھیلا جائے گا۔