سوشل میڈیا پرآج کل کھانوں کو نئے انداز میں  پیش کرنے کا ایک رجحان چل رہا ہے۔

ایسی ہی ایک ویڈیو وائرل ہو رہی ہے جس میں ایک شخص نے  دنیا کا سب سے بڑا برگر تیار کر کے سب کو حیران کر دیا۔

اس برگر کو بھارت سے تعلق رکھنے والے ایک شخص نے تیار کیا ہے جس کا وزن 40 کلو سے زائد ہے۔

سوشل  میڈیا پر پوسٹ کیے جانے والے دنیا کے سب سے بڑے برگر  تیار کرنے کی ویڈیو پر سوشل میڈیا صارفین کی جانب سے متعدد کمنٹس کیے جا رہے ہیں۔

ایک صارف نے اس وڈیو پر کمنٹ کرتے ہوئے کہا کہ یہ برگر تو پورے خاندان کو پورا ہو جائے گا۔

:مزید پڑھیں

https://www.bolnews.com/urdu/amazing/2022/11/489603/amp/

اس سے قبل بھی بھارت کی ریاست اتر پردیش میں ایک دکاندار نے 8 کلو وزنی سموسہ تیار کیا تھا اور اس سموسے کا نام ’باہو بلی‘ رکھا تھا۔

یاد رہے کہ اس سموسے کو 30 منٹ میں کھانے والے کے لیے 50 ہزار روپے انعام دینے کا بھی اعلان رکھا  گیا تھا۔

 دکاندار کے مطابق کوئی بھی اس سموسے کو 30 منٹ میں کھانے میں کامیاب نہیں ہو سکا ہے۔

اس حوالے سے دکاندار کا یہ بھی کہنا تھا کہ اس سموسے کی تیاری میں مٹر، آلو، پنیر اور خشک میوہ جات بھی استعمال کیے گئے ہیں جس پر 11 سو روپے کی لاگت آئی ہے۔