اسلام آباد ہائی کورٹ نے ظاہرجعفر کی غیرملکی شہریت کی دستاویزات ریکارڈ پر رکھنے کی درخواست مسترد کردی۔

تفصیلات کے مطابق اسلام آباد ہائی کورٹ میں نورمقدم قتل کیس میں رجسٹرار آفس نے اعتراض اٹھایا کہ فیصلہ محفوظ ہو چکا اب کوئی نئی درخواست نہیں سنی جا سکتی۔

چیف جسٹس اسلام آباد ہائی کورٹ جسٹس عامر فاروق کی سربراہی میں دورکنی بنچ نے اعتراضات کیساتھ درخواست پر سماعت کی۔

عدالت نے ظاہرجعفر کے وکیل کے دلائل سننے کے بعد اعتراضات برقرار رکھے۔

ظاہرجعفر کے وکیل نے مؤقف اپنایا کہ ریکارڈ پرآنا چائیے ظاہرجعفر غیر ملکی شہریت رکھتا ہے جس پر چیف جسٹس عامرفاروق نے کہا کہ غیر ملکی شہری ہونا ریکارڈ پر آبھی جائے تو کیا فرق پڑے گا؟ اگر ظاہر جعفر امریکی شہری ہے تو کیا ہوا؟

عدالتِ عالیہ نے کہا کہ کیا آپ امریکی شہری بتا کرکوئی رعایت لینا چاہتے ہیں؟ کیا آپ چاہتے ہیں کوئی بھی باہر سے آئے بندہ مار کر چلا جائے؟

چیف جسٹس اسلام آباد ہائی کورٹ جسٹس عامر فاروق نے کہا کہ کیا آپ پاکستان کو ایسے لوگوں کی جنت بنانا چاہتے ہیں؟ پہلے بھی واضح کر چکے ہیں اس کیس میں یہاں کا لا آف لینڈ لاگو ہوگا۔

یہ خبر بھی پڑھیں

نورمقدم قتل کیس؛ مدعی کےموبائل فون کا کال ڈیٹا اورلوکیشن کا ریکارڈ عدالت میں پیش