کراچی میں کل ہونے والے بلدیاتی انتخابات سے قبل دھاندلی کی ویڈیوز منظر عام پر آنے لگ گئیں۔

تفصیلات کے مطابق کراچی اور حیدرآباد میں کل بلدیاتی انتخابات ہونے جارہے ہیں جس کے لیے بیلٹس پیپرز کی ترسیل پر سوالیہ نشان کھڑے ہوگئے۔

کراچی کے علاقے عائشہ منزل پر بیلٹ پیپز الیکشن کمیشن کی نگرانی والی بس سے نکل کر موٹر سائیکل اور رکشوں میں منتقل کیے جارہے ہیں۔ اس حوالے سے بول نیوز نے ویڈیو حاصل کرلی۔

یہ بھی پڑھیں؛ کراچی اور حیدرآباد میں بلدیاتی انتخابات 15 جنوری کو ہی ہوں گے 

شہریوں کی جانب سے بنائی گئی ویڈیو بول نیوز پر چلائی گئی۔ وائرل ہونے والی ویڈیو میں سیکورٹی ادارے کہیں دکھائی نہیں دے رہے ہیں۔

الیکشن سے قبل بغیر کسی نگرانی میں بیلیٹ پیپرز کی ترسیل نے الیکشن کمیشن کے انتخابی عمل پر سوالات کھڑے کردیے ہیں۔

واضح رہے کہ الیکشن کمیشن آف پاکستان کی جانب سے کراچی اور حیدرآباد میں بلدیات ی انتخابات 15 جنوری کو ہی کروانے کا فیصلہ کیا گیا ہے۔