سابق وزیرخارجہ شاہ محمود قریشی کی سربراہی میں پی ٹی آئی ارکان اسمبلی کا وفد اسپیکر آفس پہنچ گیا۔ 

تفصیلات کے مطابق وائس چیئرمین پاکستان تحریک انصاف شاہ محمود قریشی کی قیادت میں پی ٹی آئی کے ممبران قومی اسمبلی پارلیمنٹ ہاؤس پہنچے۔

پارلیمانی پارٹی کے اجلاس کے بعد تحریک انصاف کے تمام منتخب اراکین قومی اسمبلی اسپیکرسے ملاقات کے لیے خیبرپختونخوا ہاؤس سے سے پیدل قومی اسمبلی پہنچے۔

تحریک انصاف کے 76 اراکین قومی اسمبلی پارلیمانی اجلاس میں شریک ہوئے۔ پارلیمنٹ ہاؤس پہنچنے کے بعد رہنما اسد قیصرکو باہر روک لیا گیا اورپارلیمنٹ ہاؤس کے گیٹ بند کردیے گئے۔

قومی اسمبلی سیکریٹریٹ نے پی ٹی آئی وقفد کو بتایا کہ اسپیکر پرویز اشرف اس وقت اپنے چیمبر میں موجود نہیں۔ اسپیکر قومی اسمبلی اس وقت اپنی رہائش گاہ پر ہیں۔

پارلیمنٹ ہاؤس کے باہر تحریک انصاف کے رہنماؤں نے میڈیا سے گفتگو کیا، کہا کہ ہمارے بقیہ استعفے بھی منظور کریں۔