جسٹس جنید غفارنے کیس دوسرے بنچ کو منتقل کرنے کے لیے معاملہ چیف جسٹس سندھ ہائی کورٹ کو ارسال کردیا۔ 

تفصیلات کے مطابق سندھ ہائی کورٹ میں ساڑھے 11 کروڑ پاکستانیوں کا حساس ڈیٹا چوری ہونے سے متعلق دائر درخواست پرجسٹس جنید غفارنےسماعت سے انکارکرتے ہوئے کیس دوسرے بنچ کو منتقل کرنے کے لیے معاملہ چیف جسٹس کو ارسال کردیا۔

درخواست گزار نے مؤقف اختیار کیا کہ حساس ڈیٹا فروخت کیا جا رہا ہے۔ درخواست تین سال سے زیر التواء ہے، یہ اہم معاملہ ہے، جلد سماعت کی جائے۔

درخواست گزار طارق منصور ایڈووکیٹ نے مؤقف اپنایا کہ یہ ڈیٹا ڈرک ویب سائٹ پر اپلوڈ کیا گیا۔ حساس ڈیٹا 35 کروڑ روپے میں فروخت کیا جارہا ہے۔

ایڈووکیٹ طارق منصور نے مؤقف اپنایا کہ موبائل صارفین کا شناختی کارڈ نمبرز، مکمل ایڈریس فون نمبر و دیگر ڈیٹا شامل ہیں۔ متعلقہ حکام کو حساس ڈیٹا فروخت کرنے سے روکا جائے۔

وکیل درخواست گزارکا کہنا ہے کہ پاکستان میں نیشنل سائبر پالیسی ہی موجود نہیں ہے۔ پاکستان میں ڈیٹا چوری کے مزید چار واقعات ہوچکے ہیں۔