بھارت نے سری لنکا کے خلاف ٹی ٹوئنٹی انٹرنیشنل سیریز کے پہلے میچ میں سنسنی خیز مقابلے بعد دو رنز سے کامیابی حاصل کر لی۔

تفصیلات کے مطابق ممبئی میں ہونے والے تین میچوں کی ٹی ٹوئنٹی انٹرنیشنل سیریز کے پہلے میچ میں بھارت کے 162 رنز کے جواب میں سری لنکا کی ٹیم صرف 2 رنز سے شکست کھا گئی۔

بھارت کی جانب سے ڈیبیو کرنے والے تیز گیند باز شیوم ماوی نے اپنی چار وکٹوں کے ساتھ متاثر کن بولنگ کرتے ہوئے منگل کو ایک سنسنی خیز ابتدائی ٹوئنٹی 20 انٹرنیشنل میں سری لنکا کو دو رنز سے شکست دی۔

شیوم ماوی نے 22 رنز دے کر سری لنکا کے 4 کھلاڑیوں کو پویلین بھیجا، ان کی شاندار کارکردگی کی بدولت بھارت کو سیریز میں 1-0 کی برتری حاصل ہو گئی ہے۔

بھارت کی جانب سے 24 سالہ شیوم ماوی کے علاوہ عمران ملک اور اور ہرشل پٹیل نے بھی دو، دو وکٹیں حاصل کیں۔

میچ میں بھارت کے پہلے بیٹنگ کرتے ہوئے مقررہ 20 اوورز میں 5 وکٹوں کے نقصان پر 162 رنز بنائے جس میں دیپک ہڈا کے 41 اور اکسر کے 31 رنز نمایاں تھے۔

ہدف کے تعاقب میں سری لنکا کی جانب سے کوسل مینڈس نے 28 رنز بنائے اور داسن شناکا نے 45 رنز کی خوبصورت اننگ کھیلی، داس شناکا کے ساتھ ہسارانگا 21 اور کرونا رتنے 23 نے ٹیم کو کامیابی کی جانب لے جانے کی کوشش کی مگر ناکام ہوئے۔

بائیں ہاتھ کے اسپنر، اکشر پٹیل نے آخری اوور میں تناؤ میں گھرے میچ میں  اپنے اعصاب کو قابو کیا اور سری لنکا کو جیت کے لیے درکار 13 رنز میں دو رنز بچانے میں کامیاب ہو گئے۔