افغانستان میں خواتین کو دیوار سے لگانے کی حکومتی پالیسیوں کے خلاف آسٹریلوی کرکٹ بورڈ نے افغانستان کے ساتھ سیریز کھیلنے سے منع کر دیا۔

تفصیلات کے مطابق کرکٹ آسٹریلیا نے خواتین کے حقوق کو مزید محدود کرنے کے طالبان کے اقدام کا حوالہ دیتے ہوئے جمعرات کو متحدہ عرب امارات میں افغانستان کے خلاف آئندہ ایک روزہ سیریز سے دستبرداری اختیار کر لی۔

مردوں کی ٹیم کو مارچ میں بھارت کے دورے کے بعد تین ون ڈے میچز میں اپنے افغان ہم منصبوں کا سامنا کرنا تھا، جو کہ آئی سی سی سپر لیگ کا حصہ ہیں۔

لیکن کرکٹ آسٹریلیا نے کہا کہ اسٹیک ہولڈرز بشمول آسٹریلوی حکومت کے ساتھ مشاورت کے بعد یہ مزید نہیں ہوگا۔

کرکٹ آسٹریلیا نے مزید کہا کہ یہ فیصلہ طالبان کی جانب سے خواتین اور لڑکیوں کی تعلیم اور روزگار کے مواقع اور پارکوں اور جموں تک رسائی پر مزید پابندیوں کے حالیہ اعلان کے بعد کیا گیا ہے۔

کرکٹ آسٹریلیا کے ترجمان کا کہنا تھا کہ بورڈ افغانستان سمیت دنیا بھر میں خواتین اور مردوں کے لیے کھیل کو فروغ دینے کے لیے پرعزم ہے۔

آسٹریلوی بورڈ کے مطابق ملک میں خواتین اور لڑکیوں کے بہتر حالات کی توقع میں افغانستان کرکٹ بورڈ کے ساتھ رابطے جاری رکھیں گے.

واضح رہے کہ آسٹریلیا یہ سیریز نہ کھیلنے سے اپنے 30 مسابقتی پوائنٹس کھو دے گا، جو ورلڈ کپ کوالیفائی کرنے کی طرف جاتا ہے۔

لیکن آسٹریلوی کرکٹ ٹیم نے اکتوبر میں بھارت میں ہونے والے 50 اوورز کے آئی سی سی ورلڈ کپ کے لیے پہلے ہی خودکار اہلیت حاصل کر لی ہے۔

یاد رہے طالبان نے 2021 کے وسط میں ایشیائی ملک پر دوبارہ کنٹرول حاصل کیا تھا اور فوری طور پر کھیلوں میں خواتین کی شرکت پر پابندیاں لگا دی تھی۔

سخت گیر اسلام پسندوں نے نوعمر لڑکیوں کو ثانوی اسکولوں سے بھی روک دیا ہے اور گزشتہ ماہ خواتین کے یونیورسٹیوں میں جانے پر پابندی لگا دی ہے، جس سے عالمی سطح پر غم و غصہ پیدا ہوا ہے۔

ابھی حال ہی میں، خواتین کو بتایا گیا کہ وہ افغانستان کے امدادی شعبے میں مزید کام نہیں کر سکتیں۔

خواتین کو بہت ساری سرکاری ملازمتوں سے بھی دھکیل دیا گیا ہے، کسی مرد رشتہ دار کے بغیر سفر کرنے سے روک دیا گیا ہے، اور انہیں گھر سے باہر، مثالی طور پر برقعہ پہننے کا حکم دیا گیا ہے۔