لاہور ہائیکورٹ نے پنجاب میں انتخابی شیڈول جاری نہ کرنے کے خلاف درخواست کا عبوری تحریری فیصلہ جاری کر دیا۔

تفصیلات کے مطابق جسٹس جواد حسن نے 5 صفحات پر مشتمل تحریری فیصلہ جاری کیا۔

نوے دن میں انتخابات آئینی تقاضا اور بنیادی حق ہے

فیصلے کے مطابق الیکشن کمیشن نے انتخابی شیڈول کیلئے گورنر کوخط لکھا، گورنر نے ابھی تک انتخابی شیڈول جاری نہیں کیا، نوے دن میں انتخابات آئینی تقاضا اور بنیادی حق ہے، سیاسی انصاف آئین کی اساس ہے۔

جسٹس جواد حسن نے اپنے فیصلے میں لکھا کہ وفاقی حکومت اور حکومت پنجاب کے وکلاء نے تحریری جواب کیلئے مہلت مانگی جو دے دی گئی، اٹارنی جنرل اور ایڈووکیٹ جنرل 3 فروری کو عدالتی معاونت کیلئے پیش ہوں۔

ضرور پڑھیں؛ نوے روز میں الیکشن ہونا آئینی تقاضا ہے، عمران خان