رہنما تحریکِ انصاف الیکشن کمیشن نے تیسری مرتبہ کراچی کی عوام کےحق میں فیصلہ دے دیا ہے۔ 

تفصیلات کے مطابق تحریکِ انصاف کے رہنما خرم شیر زمان نے اپنے جاری بیان میں کہا کہ الیکشن کمیشن نے تیسری مرتبہ کراچی کے عوام کے حق میں فیصلہ دے دیا ہے، آج کراچی کی عوام دشمن جماعتوں کیلئے ماتم کا دن ہے۔

پی ٹی آئی سندھ کے رکنِ سندھ اسمبلی خرم شیر زمان نے اپنے بیان میں کہا کہ بلدیاتی الیکشن کیلئے پیپلز پارٹی، ایم کیو ایم کے درمیان روٹھنے منانے کا سلسلہ چلتا رہے گا، ایم کیو ایم الیکشن روکنے کیلئے اب صرف دم درود کرے کیونکہ الیکشن تو ہوں گے۔

خرم شیرزمان نے بیان میں کہا کہ عوام سے درخواست ہے ان جماعتوں کے کسی پروپیگنڈے میں نہ آئیں، کراچی کے عوام اس شہر کو مزید تباہی سے بچاسکتے ہیں۔ ان کے لائے گئے آرڈیننس کا بھی مقابلہ کیسے کرنا ہے حکمت عملی تیار ہے۔

رہنما تحریکِ انصاف نے کہا کہ کراچی کےعوام کو آج مبارک باد دیتا ہوں، پاک فوج اور رینجرز کے جوان سے گزارش ہے الیکشن کی سیکیورٹی میں اپنا کردار ادا کریں۔

سماجی رابطے کی ویب سائٹ پر اپنی ٹوئٹ میں ویڈیو بیان میں خرم شیر زمان نے کہا کہ کوشش کی جارہی ہے کہ پاکستان تحریکِ انصاف کے ووٹرز کو کسی نہ کسی طریقے سے الجھا کر رکھا جائے تاکہ الیکشن ملتوی ہو جائیں

انھوں نے کہا کہ کراچی عمران خان کے لیے نکلے اور پی ٹی آئی کو کامیاب بنائے اور پندرہ جنوری کو تحریکِ انصاف کا کراچی میں مئیرلے کر آنا ہے، عمران خان کا ووٹر عمران خان کو ہی ووٹ دے گا۔

کراچی عمران کےلیے نکلے کا پی ٹی آئ کو کامیاب کرائےگا pic.twitter.com/rAAkYuIPGF

— Khurrum Sher Zaman NA-241 (@KhurumSherZaman) January 14, 2023

یہ خبر بھی پڑھیں: کراچی حیدر آباد میں بلدیاتی انتخابات 15 جنوری کو ہی ہونگے، الیکشن کمیشن کا فیصلہ