سعودی عرب کے خادم الحرمین الشریفین شاہ سلمان بن عبدالعزیز نے پاکستان میں سیلاب زدگان کی بحالی کے عزم کا اعادہ کیا ہے۔

سعودی میڈیا کی خبروں کے مطابق خادم الحرمین الشریفین شاہ سلمان بن عبدالعزیز کی زیر صدارت کابینہ کا اجلاس منعقد ہوا جس میں پاکستان میں سیلاب زدگان کی بحالی کے عزم کا اعادہ کیا گیا

اجلاس میں خادم الحرمین الشریفین شاہ سلمان بن عبدالعزیز نے کہا کہ ہم پاکستان کے ساتھ اظہار یکجہتی کا اظہار کرتے ہیں

سعودی دارالحکومت ریاض کے قصر عرقہ میں منعقدہ کابینہ کے اجلاس میں خادم الحرمین الشریفین شاہ سلمان بن عبدالعزیز کو جنیوا کانفرنس کے حوالے سے بریفنگ دی گئی۔

اس موقعہ پر سعودی کابینہ نے پاکستان کی مدد کے لیے جنیوا کانفرنس میں شرکت کو اس بات کی علامت قرار دیا کہ سعودی عرب سیلاب سے پیدا ہونے والے مسائل سے نمٹنے کے لیے پاکستان اور اس کے برادرعوام کے ساتھ کھڑا ہے اور مکمل یکجہتی کا اظہار ضروری سمجھتا ہے.

سعودی خبر رساں ادارے کی خبر کے مطابق شاہ سلمان بن عبدالعزیز کی جنیوا کانفرنس میں شرکت متاثرین کی مدد کے حوالے سے انسانیت نواز کردار کے طویل سلسلے کی ایک کڑی ہے اور پاکستانی سیلاب زدگان کی مدد کو صورت ممکن بنایا جائے گا۔۔