بنی گالا میں 20 کنال اراضی 18 لاکھ روپے میں غیرملکی خاتون کو فروخت کرنے کا کیس حتمی مراحل میں داخل ہوگیا۔ 

تفصیلات کے مطابق ڈسٹرکٹ اینڈ سیشن کورٹ اسلام آباد میں وزیر قانون پنجاب راجہ بشارت سمیت دیگر کے خلاف اراضی کے لین دین سے متعلق کیس کی سماعت ہوئی۔

اسلام آباد کی مقامی عدالت نے کیس کے تمام گواہان کے بیانات قلم بند کرتے ہوئے فریقین سے حتمی دلائل کیلئے 14 جنوری کی تاریخ مقررکردی۔

اراضی کے لین دین سے متعلق کیس کی سماعت جوڈیشل مجسٹریٹ نصرمن اللہ نے کی جبکہ وزیر قانون پنجاب عدالت میں پیش نہ ہو سکے۔

وکیل درخواست گزار افتخار شاہد اور تفتیشی افسر ریکارڈ سمیت عدالت کے روبرو پیش ہوئے۔

صوبائی وزیر قانون پنجاب راجہ بشارت کے خلاف مقدمہ تھانہ مارگلہ میں درج ہے۔

ملزمان پر بنی گالہ میں 20 کنال اراضی 18لاکھ روپے میں غیر ملکی خاتون کو فروخت کرنے کا الزام ہے۔

ڈسٹرکٹ اینڈ سیشن کورٹ اسلام آباد نے کیس کی سماعت 14 جنوری تک ملتوی کردی۔

ملزمان پر بنی گالہ تھانے میں 20 کنال اراضی 18لاکھ روپے میں غیر ملکی خاتون کو فروخت کرنے کا مقدمہ درج ہے۔