ڈسٹرکٹ ایسٹ میں ڈکیتی اور اسٹریٹ کراٸم کے ساتھ ساتھ گھروں میں ڈکیتیاں بھی معمول بن گٸیں۔

تفصیلات کے مطابق کراچی میں ڈسٹرکٹ ایسٹ گلشن اقبال بلاک تیرہ ڈی ٹو میں واقع رہاٸشی گھر میں ڈکیتی کی واردات ہوئی۔ مسلح ملزمان نے گھر میں موجود خاتون کو بھی تشدد کا نشانہ بنایا۔

ڈاکو گھر سے ڈیڑھ لاکھ روپے نقد، طلاٸی زیورات، موبائل فونز، ایل ای ڈی سمیت دیگر سامان لوٹ کر فرار ہوگئے۔ ملزمان جاتے ہوئے خاتون کے ہاتھ پاؤں باندھ کرگئے۔

دوسری جانب شہر میں لوٹ مار کا تسلسل بھرپور انداز سے برقرار ہے۔ محمود آباد کے علاقے میں سابق انٹر نیشنل اسنوکر پلئیر کو بھی لوٹ لیا گیا۔ سابق انٹرنیشل اسنوکر پلئیر محمد بلال پنجاب سے نیشنل گیم کے لئے کراچی آئے تھےْ۔

اس کے علاوہ دو 2 روز قبل محمودآباد میں واقع اسنوکر کلب میں ہونے والی واردات کی سی سی ٹی وی فوٹیج سامنے آگئی۔ 8  مسلح ڈاکؤوں کے جتھے نے اسنوکر کلب میں موجود 20 سے زائد افراد کو قطار میں کھڑا کرکے لوٹ لیا۔

اسنوکر کلب میں داخل ہوتے وقت ملزمان نے ماسک سے چہرے چھپائے اور تسلی سے لوٹ مار کی۔ ملزمان 6 منٹ تک لوٹ مار کرتے رہے ، تمام افراد کے موبائل فونز اور پرس تھیلی میں ڈالے اور چلتے بنے۔