اسلام آباد کی مقامی عدالت نے سابق عمران خان کی طبی بنیادوں پر استثنیٰ کی دائر درخواست پر فیصلہ محفوظ کر لیا۔ 

تفصیلات کے مطابق ڈسٹرکٹ اینڈ سیشن کورٹس اسلام آباد میں سابق وزیراعظم عمران خان کی جانب سےخاتون جج زیباچوہدری کودھمکی دینے کے کیس میں چیئرمین تحریکِ انصاف عمران خان نے وکیل کے ذریعے طبی بنیادوں پراستثنیٰ کی درخواست دائر کردی۔

کیس کی سماعت سینئرسول جج رانا مجاہد رحیم نے کرتے ہوئے سابق وزیراعظم عمران کی استثنی کی درخواست پر فیصلہ محفوظ کرلیا۔

سماعت کے دوران اسپیشل پراسیکیوٹررضوان عباسی عدالت میں پیش جبکہ عمران خان آج بھی عدالت کےسامنےپیش نہ ہوئے۔

اسپیشل پراسیکیوٹرنے عدالت سے استدعا کی کہ عمران خان کی عدم پیشی پرناقابل وارنٹ گرفتاری جاری کیے جائیں۔

سینئر جج رانا مجاہد رحیم نے استفسار کیا کہ آپ کا وکالت نامہ اس کیس میں کیوں نہیں ہے؟ جس پر وکیل نعیم حیدر نے جواب دیا کہ  ہمیں نوٹس کا کل رات کو پتا لگا۔

پی ٹی آئی آزادی مارچ میں توڑ پھوڑ اور دفعہ 144 کی خلاف ورزی کا کیس

دوسری جانب ڈسٹرکٹ اینڈ سیشن کورٹ اسلام آباد میں پی ٹی آئی آزادی مارچ میں توڑ پھوڑ اور دفعہ 144 کی خلاف ورزی کے کیس کی بھی سماعت ہوئی۔

سابق وزیراعظم عمران خان، شاہ محمود قریشی، قاسم سوری، اسد عمر، علی نواز کی جانب سے بریت کی درخواستیں دائر کی گئیں۔

عدالت نے ملزمان کی بریت کی درخواستوں پر پراسیکیوٹر کو نوٹسز جاری کرتے ہوئے آئندہ سماعت پر پراسیکیوٹر سے دلائل طلب کر لیے۔

علی امین گنڈاپور اور محمود خان کو اسلام آباد ہائیکورٹ نے ایف آئی آر سے نام نکال دیا تھا۔

مراد سعید اور پرویز خٹک بھی حاضری لگا کر روانہ ہو گئے، عدالت نے کیس کی سماعت 4 فروری تک ملتوی کردی۔