مسلم لیگ (ن) کی چیف آرگنائزر مریم نواز نے پشاور دھماکے کی مذمت کی ہے۔ 

سابق وزیراعظم نوازشریف کی صاحبزادی اور مسلم لیگ (ن) کی سینئر نائب صدر مریم نواز نے اپنی ٹوئٹ میں کہا کہ پشاور میں ہونے والے دہشت گرد حملے کی شدید ترین الفاظ میں مذمت کرتی ہوں۔

مریم نواز کا مزید کہنا تھا کہ دل بہت رنجیدہ ہے، اللّہ تعالی شہداء کے لواحقین کو صبر جمیل عطا فرمائے اور زخمیوں کو شفاء کاملہ دے۔ آمین۔

پشاور میں پولیس لائنز کے قریب دھماکہ ہوا ہے جس میں متعدد افراد کے زخمی ہونے کی اطلاعات ہیں جبکہ اب تک 32 نمازیوں کی شہادت کی تصدیق ہوچکی ہے۔