پاکستان اور نیوزی لینڈ کے درمیان تین ون ڈے میچز کی سیریز کے پہلے میچ میں نیوزی لینڈ نے پاکستان کو جیت کے لیے 256 رنز کا ہدف دے دیا۔

تفصیلات کے مطابق پاکستان اور نیوزی لینڈ کے مابین ون ڈے سیریز کے پہلے میچ میں نیوزی لینڈ نے پہلے بیٹنگ کرتے ہوئے مقررہ 50 اوورز میں 9 وکٹوں کے نقصان پر 255 رنز بنا لیے۔

کراچی کے نیشنل اسٹیڈیم میں ہونے والے اس میچ میں پاکستان نے ٹاس جیت کر پہلے فیلڈنگ کا فیصلہ کیا، نسیم شاہ نے اننگ کے پہلے ہی اوور میں ڈیون کونوے کو بولڈ کر دیا۔

نیوزی لینڈ کے فن ایلن اور کین ولیمسن نے اننگ کو سہارا دینے کی کوشش کی لیکن فن ایلن 29 رنز بنا کر آؤٹ ہو گئے۔

نیوزی لینڈ کے مڈل آرڈر نے ذمہ دارانہ بیٹنگ کی اور ٹیم کے اسکور کو اچھے ٹوٹل تک پہنچایا، ولیمسن 26، ڈیرل مچل 36، ٹام لیتھم 42، گلین فلپس 37، مچل بریسویل 43 اور مچل سینٹر نے 21 رنز بنائے۔

پاکستان کی جانب سے نسم شاہ مہنگے بولر ثابت ہوئے مگر انہوں نے 5 کیوی بیٹسمینوں کو پویلین کی راہ بھی دکھائی۔

اپنے ڈیبیو پر اسامہ میر نے 42 رنز دے کر 2 وکٹیں حاصل کیں۔