پاکستان کرکٹ ٹیم کے نوجوان فاسٹ بولر نسیم شاہ آسٹریلیا کے بولر کو پیچھے چھوڑتے ہوئے ایک اور اعزاز اپنے نام کر لیا ہے۔

تفصیلات کے مطابق فاسٹ بولر نسیم شاہ نے کیریئر کے ابتدائی 5 ون ڈے میچز میں 18 وکٹیں لے کر آسٹریلوی بولر کو پیچھے چھوڑ دیا ہے۔

آج نیوزی لینڈ کے خلاف سیریز کے دوسرے ون ڈے میچ میں نسیم شاہ نے 3 وکٹیں حاصل کی تھی، انہوں نے آسٹریلیا کے ریان ہیرس کے ریکارڈ کو توڑا۔

اس سے قبل یہ ریکارڈ ریان ہیرس کے پاس تھا جنہوں نے اپنے کیرئیر کے ابتدائی 5 ون ڈے میچز میں 17 وکٹیں حاصل کی تھی۔

واضح رہے پاکستانی فاسٹ بولر نسیم شاہ نے اس سے قبل کھیلے گئے چار ون ڈے میچز میں بھی سب سے زیادہ وکٹیں لینے کا ریکارڈ بنایا تھا۔

کراچی کے نیشنل اسٹیڈیم میں کھیلے جانے والے دوسرے ون ڈے میچ میں اس پاکستان کی بیٹنگ جاری ہے، اور گرین شرٹس شدید مشکلات کا شکار ہے، قومی ٹیم کے چار کھلاڑی 86 رنز پر پویلین لوٹ چکے ہیں۔

اس سے قبل نیوزی لینڈ نے پہلے بیٹنگ کرتے ہوئے 49.5 اوورز میں 261 رنز بنا کر آؤٹ ہو گئی تھی۔ سیریز میں واپس آنے کے لیے نیوزی لینڈ کو یہ میچ جیتنا ضروری ہے۔