عمر رسیدہ لوگوں نے ریمپ پر جلوے بکھیر دیے  ریمپ پر جلوے بکھیرنے والے بوڑھے لوگ صارفین کی توجہ کا مرکز بن گئے۔

 سوشل میڈیا پرایک فیشن شو کی ویڈیو وائرل ہو رہی ہے جس میں واک کرنے والے ماڈل جوان لوگ نہیں بلکہ بوڑھے لوگ ہیں۔

 لیکن کیا حقیقت پر مبنی ہے یا صرف آنکھوں کا دھوکا ہے۔

 وائرل ہونے والے اس فیشن شو کی کچھ تصاویر اور ویڈیو سوشل میڈیا پر گردش کررہی ہیں جس نے تمام سوشل میڈیا صارفین کو حیران کر دیا ہے۔

اس فیشن شو کے حوالے سے نائجیریا کے فلمساز ملک افیگبوا نے انکشاف کیا ہے کہ وہ اپنے پروجیکٹ کے ذریعے بڑھاپے کے حوالے سے معاشرے کے تاثرات کو چیلنج کرنا چاہتے ہیں۔

 یہ حقیقت ہے کہ فیشن ایبل ہونا اور خوبصورت لباس پہن کر ریمپ پر واک کرنا اکثر نوجوان ماڈلز کے ساتھ جڑا ہوتا ہے۔

:مزید پڑھیں

https://www.bolnews.com/urdu/trending-on-social-media/2022/12/742918/amp/

لیکن نائجیریا کے فلمساز اور فنکار ملک افیگبوا مصنوعی ذہانت (AI) کا استعمال کرتے ہوئے تصاویر بنا کر اس ناظریہ کو توڑنا چاہ رہے ہیں۔

 مسٹر Afegbua نے حیرت انگیز تصاویر بنانے کے لیے AI کی طاقت کا استعمال کیا جس میں افریقی کمیونٹی سے تعلق رکھنے والے افراد کو ریمپ پر واک کرتا دیکھایا گیا۔

 اس فیشن شو کا عنوان ‘فیشن شو فار سینئرز’ تھا جسے ‘بلیک پینتھر’ فلموں کے لیے آسکر ایوارڈ یافتہ ملبوسات ڈیزائنر روتھ کارٹر نے دیکھا۔

سوشل میڈا پر وائرل ہونے والی اس ویڈیو نے جہاں لوگوں کو دنگ کر دیا وہیں کمنٹس کرنے پر بھی مجبور کر دیا ہے۔

 ایک سوشل میڈیا صارف نے اس ویڈیو پر کمنٹ کرتے ہوئے کہا کہ ٹیکنولوجی کے استعمال کی وجہ سے یہ بلکہ حقیقت پر مبنی ہی لگ رہا ہے۔

جبکہ ایک صارف نے اس نئے نظریہ کی تعریف کی۔

 واضح رہے کہ سوشل میڈیا پر آئے روز کچھ منفرد کرنے کی لگن کی وجہ سے نت نئے ٹیلنٹ پر مبنی ویڈیوز وائرل ہوتی رہتی ہیں جو تمام سوشل میڈیا صارفین  کی توجہ اپنی جانب مبذول کر لیتی ہیں۔