عراق کے شہر بصرہ کے فٹ بال اسٹیڈیم کے باہر موجود ہزاروں تماشائیوں میں بھگدڑ مچنے سے دو افراد ہلاک متعدد زخمی ہو گئے ہیں۔

تفصیلات کے مطابق عراق اور عمان کے مابین گلف کپ فٹ بال فائنل بصرہ فٹ بال اسٹیڈیم میں کھیلا جانے ہے، اسٹیڈیم کے باہر ہزاروں تماشائیوں کی اسٹیڈیم میں داخل ہونے کی کوشش میں 2 افراد ہلاک ہو گئے ہیں۔

عراق کے شہر بصرہ کے فٹ بال اسٹیڈیم میں 65 ہزار تماشائیوں کے بیٹھنے کی گنجائش ہے۔

غیر ملکی میڈیا کی خبروں کے مطابق اسٹیڈیم کے باہر وہ لوگ بھی جمع ہو گئے ہیں جن کے پاس فائنل میچ کا ٹکٹ نہیں ہے۔

عراق کی وزارت داخلہ نے ایک بیان میں ان لوگوں پر زور دیا ہے جن کے پاس فائنل کے ٹکٹ نہیں ہیں وہ اسٹیڈیم کے علاقے سے نکل جائیں۔ اس نے کہا کہ پنڈال بھرا ہوا تھا اور تمام دروازے بند کر دیے گئے ہیں۔

عراق کے نئے وزیر اعظم محمد شیعہ السوڈانی نے لوگوں پر زور دیا کہ وہ “گلف کپ کے 25 ویں ایڈیشن کا فائنل میچ اس کی انتہائی خوبصورت شکل میں دکھانے میں” حکام کی مدد کریں۔

سرکاری میڈیا نے بتایا کہ بصرہ میں مختلف عوامی مقامات پر دیوہیکل سکرینیں لگائی گئی ہیں تاکہ لوگ میچ دیکھ سکیں۔