نوواک جوکووچ نے آسٹریلین اوپن 2023 کا خطاب جیت کر رافیل ندال کے ریکارڈ کو برابر کر دیا ہے۔

تفصیلات کے مطابق میلبورن میں ہونے والے آسٹریلین اوپن 2023 میں مردوں کے فائنل میں نوواک جوکووچ نے اسٹیفانوس سیٹسیپاس کو شکست دے کر 10 ویں مرتبہ یہ اعزاز اپنے نام کیا۔

نوواک جوکوچ نے رافیل ندال کے 22 گرینڈ سلم تاجوں کی بھی برابری کیا، اس کامیابی نے انہیں دوبارہ ٹینس کی عالمی رینکنگ میں نمبر ایک بنا دیا ہے۔

میلبورن پارک میں ہونے والے اس فائنل مقابلے میں سربیا کے نوواک جوکووچ نے اپنی ہیمسٹرنگ انجری کے باوجود حصہ لیا تھا جس کے فائنل مقابلے میں انہوں نے یونان کے عالمی نمبر تین اسٹیفانوس سیٹسیپاس کو شکست دی۔

نوواک جوکووچ نے اسٹیفانوس سیٹسیپاس 6-3، 6-7، 6-7 سے شکست دی تھی۔

نوواک جوکووچ اپنے اعتماد کی بلندی کے ساتھ اس فائنل میں اترے تھے جنہوں نے اپنے پچھلے تمام نو آسٹریلین اوپن فائنلز جیتے اور یونانی حریف پر 10-2 کی برتری حاصل کی۔

سربیا کے نوواک جوکووچ اس ایونٹ میں بھی تنقید کا نشانہ بن گئے تھے جب انہوں نے کوارٹر فائنل میں کامیابی کے بعد ایک پرستار کے ساتھ تصویر بنوائی، پرستار نے روسی صدر کے چہرے پر مشتمل روسی جھنڈا اٹھا رکھا تھا۔

نوواک جوکووچ جیت کے بعد اپنی ماں کو گلے لگانے کے لیے اپنے پلیئر باکس پر چڑھ گئے اور بے قابو آنسوؤں میں ٹوٹ پڑے اور روتے ہوئے زمین پر گر پڑے۔

آسٹریلیا سے تین سال کی پابندی ہٹائے جانے کے بعد نوواک جوکووچ نے میلبورن میں آل ٹائم گریٹ کے طور پر اپنے قد کو مزید مضبوط کرنے سے پہلے ایڈیلیڈ انٹرنیشنل جیت لیا۔

جوکووچ نے اپنا پہلا گرینڈ سلیم 2008 میں راڈ لاور ایرینا پر جیتا تھا جبکہ 2019 میں اس نے آخری 16 میں دفاعی چیمپئن فیڈرر کو دنگ کر دیا تھا۔