سپریم کورٹ کے جسٹس سردار طارق مسعود نے سائفر کی تحقیقات کیلئے دائر اپیلیں سننے سے معذرت کرلی۔

تفصیلات کے مطابق سپریم کورٹ میں مبینہ بین الاقوامی سازش کے ذریعے سابق وزیراعظم عمران خان کی حکومت ختم کرنے کے معاملے میں سائفر کی تحقیقات کیلئے دائر چیمبر اپیلوں پر سماعت ہوئی۔

جسٹس سردار طارق مسعود نے معذرت کرتے ہوئے سائفر تحقیقات کیلئے دائر اپیلیں واپس چیف جسٹس آف پاکستان کو بھجوا دیں۔

جسٹس سردار طارق نے کہا کہ چیف جسٹس پاکستان سائفر تحقیقات کیلئے ان چیمبر اپیلوں کو کسی اور جج کے سامنے مقررکر دیں۔

واضح رہے کہ سائفر کی تحقیقات کیلئے سپریم کورٹ میں درخواستیں دائر کی گئی تھیں۔ رجسٹرار آفس نے درخواستوں پر مختلف اعتراضات عائد کر کے واپس کر دیا تھا۔

ایڈووکیٹ ذوالفقاربھٹہ سمیت دیگر نے رجسٹرار کے اعتراضات کیخلاف چیمبر اپیلیں دائر کر رکھی ہیں۔