احسن اقبال نے کہا ہے کہ پاکستان کا خزانہ پی ٹی آئی حکومت نے ختم کیا۔

تفصیلات کے مطابق وزیر منصوبہ بندی احسن اقبال نے پریس کانفرنس کرتے ہوئے کہا کہ ترقیاتی بجٹ کی آخری سہ ماہی قسط جاری کرنےکے لیے پیسہ نہیں ہے، پاکستان جن مشکلات سے اس وقت گزررہا ہے یہ ایک غیر معمولی چیلنج ہے۔

احسن اقبال نے کہا کہ پاکستان کا خزانہ پی ٹی آئی حکومت نے ختم کیا، سیلاب میں ہماری حکومت نے کم سےکم وسائل کے باوجود آفت کا مقابلہ کیا۔

انہوں نے یہ بھی کہا کہ اب ہم معیشت کی بحالی کے عمل سے گزر رہے ہیں، ہم غیر معمولی معاشی بحران سے گزر رہے ہیں، ہر کسی کا فرض ہے کہ وہ مثبت کردار ادا کرے۔

یہ بھی پڑھیں: احسن اقبال کا نظام تعلیم میں جدید دور کے تقاضوں کے مطابق تبدیلیاں لانے پر زور

وزیر منصوبہ بندی کا کہنا تھا کہ9 جنوری کو دوست ممالک جنیوا میں اکٹھے ہورہے ہیں، امید ہےکانفرنس سے پاکستان کو تعمیر نوکے لیے مطلوبہ وسائل دستیاب ہونگے۔

ان کا یہ بھی کہنا تھا کہ عمران خان کے معاہدے پر عمل کیلئے معیشت کو جھٹکا دینا پڑا، مہنگائی کی وجہ عمران خان کاآئی ایم ایف سےمعاہدہ ہے۔

وزیر منصوبہ بندی احسن اقبال کا مزید کہنا تھا کہ پی ٹی آئی حکومت خزانہ خال کرکے گئی، آئی ایم ایف سے معاہدہ بحال نہ کرتے تو ڈیفالٹ کا خطرہ تھا۔