گورنرسندھ نے کہا ہے کہ ایم کیوایم پاکستان بلدیاتی انتخابات کا بائیکاٹ نہیں کریگی۔

تفصیلات کے مطابق ایم کیو ایم کے تمام دھڑوں کو ملانے کی خواہش پے گورنرسندھ کامران ٹیسوری مہاجر قومی موومنٹ کے چئیرمین آفاق احمد کی رہائشاگاہ پہنچے،دونوں شخصیات کی پچاس منٹ ون ٹو ون ملاقات رہی۔

 ذرائع کے مطابق ملاقات میں گورنر سندھ کامران ٹیسوری نے چئیرمین آفاق احمد کو بھی اس انضمام کا حصہ بننے کی درخواست کی جس پر آفاق احمد نے معذرت کرلی۔

ملاقات کے بعد میڈیا سے گفتگو کرتے ہوئے گورنر سندھ کامران ٹیسوری نے کہا کہ ایم کیو ایم پاکستان بلدیاتی انتخابات کا بائیکاٹ نہیں کریگی ،خواہش ہے کہ تمام اسٹیک ہولڈرز مل کر ساتھ بیٹھیں اور مشترکہ اعلامیہ جاری کریں۔

آفاق احمد نے واضح موقف اپناتے ہوئے کہا کہ ہماری سیاسی سمت درست ہے اور کسی انضمام کا حصہ نہیں بنوگا لیکن شہر کی بہتری کے لیے ساتھ بیٹھ کر مشترکہ اعلامیہ جاری کرنے پر گورنر سندھ کی بات سے اتفاق کرتا ہوں۔

گورنر سندھ کامران ٹیسوری کا یہ بھی کہنا تھا کہ شہر کراچی سب کا دوست ہے لیکن اس کا کوئی دوست نظر نہیں آرہا، اس چہر کو بہتر کرنے کوئی مسیحا نہیں آئیگا ہمیں خود ہی ٹھیک کرنا ہوگا،انکا کہنا تھا کہ غیر قانونی افغانی بستیاں بنا رہے ہیں ، وفاق سے بات کی ہے کہ انھیں باڈر سے ہی واپس بھیجا جائے۔