لاہور میں وفاقی وزیر داخلہ رانا ثنااللہ کی گاڑی پر جوتا پھینکنے کی ویڈیو وائرل ہوگئی۔

تفصیلات کے مطابق مسلم لیگ پنجاب کے صدر اور وفاقی وزیر داخلہ رانا ثنا اللہ بھی جوتے کی زد میں آگئے۔ پنجاب اسمبلی کے احاطے میں وفاقی وزیر داخلہ رانا ثنا اللہ  کی گاڑی پر جوتا پھینک دیا گیا۔

رانا ثنا اللہ کی گاڑی پر نامعلوم شخص کی جانب سے جوتا پھینکا گیا جو گاڑی کی ونڈ اسکرین پر لگا۔ رانا ثنا اللہ گاڑی کی فرنٹ سیٹ پر بیٹھے ہوئے تھے، ڈرائیور نے ایک لمحے کیلئے گاڑی روکی اور پھر آگے بڑھادی۔

رپورٹ کے مطابق پنجاب اسمبلی کے اجلاس ختم ہونے پر وفاقی وزیر داخلہ اسمبلی سے جانے لگے تو ان کی گاڑی پر جوتا اچھالا گیا، رانا ثناءاللہ واقعے کے وقت گاڑی میں ہی موجود تھے۔