آسٹریلیا میں خالصتان ریفرنڈم سے قبل اندرا گاندھی کے قاتلوں کے تعریفی پوسٹر لگانے پر ہندو کمیونٹی تلملا اٹھی۔

تفصیلات کے مطابق آسٹریلیا میں سکھ کمیونٹی کی جانب سے خالصتان ریفرنڈم سے قبل اندرا گاندھی کے قاتلوں کے تعریفی پوسٹر لگانے پر ہندو کمیونٹی تلملا اٹھی۔

بین الاقوامی میڈیا کی رپورٹ کے مطابق 15جنوری کو اندرا گاندھی کے قاتلوں ستونت سنگھ اور کیہر سنگھ کے 34 ویں یوم شہادت کے حوالے سے کار ریلی نکالنے کا فیصلہ کیا گیا ہے۔

واضح رہے کہ اندرا گاندھی کے قاتلوں ستونت سنگھ اور کیہر سنگھ کو 6 جنوری 1989 کو پھانسی دی گئی تھی۔

ستونت سنکھ اور کیہر سنگھ نے گولڈن ٹیمپل پر حملے کا بدلہ لینے کیلئے وزیراعظم اندرا گاندھی کو قتل کیا تھا۔

یاد رہے کہ میلبورن میں سکھ کمیونٹی کی جانب سے خالصتان ریفرنڈم کا انعقاد 29 جنوری کو ہوگا۔

میلبورن میں پلیمٹن گوردوارہ کے باہر لگا خالصتان ریفرنڈم کا پوسٹر سوشل میڈیا پر وائرل  پوسٹر پر ستونت اور کیہر سنگھ کی تصاویر بھی موجود ہیں۔

اس پوسٹر پر ہندو کمیونٹی مشتعل ہو گئی ہے اور ہندو کمیونٹی نے خالصتان ریفرنڈم رکوانے کیلئے حکومت سے رابطہ کرلیا۔

آسٹریلوی حکومت نے تمام معاملات کا جائزہ لے کر خالصتان ریفرنڈم رکوانے سے انکار کردیا۔