پاکستان سپر لیگ سیزن 8 کے آٹھویں میچ میں کراچی کنگز نے لاہور قلندر کو 67 رنز سے شکست دے کر ایونٹ میں پہلی کامیابی حاصل کر لی۔

لاہور قلندرز کی ٹیم کراچی کنگز کے 185 رنز کے تعاقب میں مقررہ 20 اوورز میں 67 رنز بنا سکی، کراچی کنگز نے یہ مقابلہ رنز سے جیت لیا۔

لاہور قلندرز کے فخر زمان نے 15 رنز اسکور کیے، مرزا بیگ نے 45 رنز کی اننگ کھیلی، کامران غلام نے 23 اور سکندر رضا نے 18 رنز بنائے۔

کراچی کنگز کے بولر عاکف جاوید نے 4 کھلاڑیوں کو آؤٹ کیا، جبکہ عامر یامین اور بین کٹنگ نے 2،2 وکٹٰیں حاصل کیں۔

اس سے قبل ملی جلی پرفارمنس کے ساتھ کراچی کنگز نے پہلے بیٹنگ کرتے ہوئے مقررہ 20 اوورز میں 5 وکٹوں کے نقصان پر 185 رنز کا ٹوٹل اسکور بورڈ پر سجانے میں کامیاب ہو گئی۔

کراچی کنگز کے میتھیو ویڈ 36 اور جیمز ونس نے 46 رنز بنائے، جبکہ عماد وسیم نے 35 اور بین کٹنگ نے 20 رنز بنائے۔

لاہور قلندرز کی جانب سے شاہین شاہ آفریدی، زمان خان، حارث رؤف اور لیام ڈاسن نے ایک، ایک وکٹ لی۔

اسکواڈ:

کراچی کنگز: جیمز ونس، میتھیو ویڈ، حیدر علی، شعیب ملک، عرفان خان، بین کٹنگ، عماد وسیم (کپتان)، عامر یامین، محمد عامر، عمران طاہر، عاکف جاوید

لاہور قلندرز: فخر زمان مرزا بیگ، شائے ہوپ، کامران غلام، سکندر رضا، حسین طلعت، ڈیوڈ ویز، لیام ڈاسن، شاہین شاہ آفریدی (کپتان)، حارث رؤف، زمان خان