فواد چوہدری نے کہا ہے کہ سیاسی عدم استحکام ٹھیک ہوگا تو ملکی معشیت ٹھیک ہوگی۔

تفصیلات کے مطابق پاکستان تحریک انصاف کے رہنماء فواد چوہدری نے میڈیا سے گفتگو کرتے ہوئے کہا کہ (ن)لیگ خصوصا مریم نواز کا میڈیا سیل اعلی عدلیہ کے خلاف منظم مہم چلا رہا ہے، عدلیہ مخالف مہم کا مقصد انہوں نے گیارہ سو ارب کا جو این آر او لیا سپریم کورٹ اسکے اوپر فیصلہ دینے والی ہے۔

فواد چوہدری نے کہا کہ عدلیہ مخالف مہم کا مقصد عدلیہ کو دفاعی پوزیشن پر لیکر جانا ہے ، اگر عدلیہ ججمنٹ دیتی ہے تو رجیم چینج کا مقصد ختم انکے سارے مقدمے بحال ہو جاتے ہیں۔

انہوں نے یہ بھی کہا کہ آئین میں واضح ہے کہ90دن میں پنجاب اور کے پی کے اسمبلی کے الیکشن ہونے ہیں اب ساٹھ دن سے بھی کم مدت رہ گئی ہے، یہ سپریم کورٹ پر دباؤ بڑھانا چاہتے ہیں کہ سپریم کورٹ مارشل لاء لگانے میں(ن)لیگ کی حمایت کرے۔

ان کا کہنا تھا کہ پی ڈی ایم چاہتی ہے الیکشن نہ ہوں کیونکہ الیکشن ہوں تو عمران خان آتا ہے، یہ ملک میں مارشل لاء لگوانے کے لیے منظم مہم چلا رہے ہیں۔

فواد چوہدری نے کہا کہ عدلیہ نظریہ ضرورت کے علاوہ تاریخ نہیں بڑھا سکتی، سیاسی عدم استحکام ٹھیک ہوگا تو ملکی معشیت ٹھیک ہوگی۔

پاکستان تحریک انصاف کے رہنماء فواد چوہدری نے مزید کہا کہ ڈالر کی قیمت جتنی بڑھتی ہے اسکا براۓ راست فائدہ نواز شریف اور اسحاق ڈار کو ہے۔