وہاڑی میں چلتی گاڑی میں بس گارڈ نے ہوسٹس کو ہی زیادی کا نشانہ بنادیا۔

تفصیلات کے مطابق وہاڑی میں زیادتی کا شکار بننے والی متاثرہ لڑکی نے پولیس کو بیان دیا ہے کہ میں موبائل میں ٹک ٹاک استعمال کررہی تھی کہ اس دوران ملزم نے 3 سے 4 بار مجھے بلایا لیکن میں اس کے پاس نہیں گئی۔

متاثرہ لڑکی کا کہنا تھا کہ بس کے ڈرائیور نے کہا جاؤ اس سے موبائل لے کر آو لیکن جب میں پیچھے گئی تو ملزم نےمجھے پچھلی سیٹ پر گرایا، اس وقت بس میں کوئی بھی نہیں تھا۔

پولیس کو دیے گئے بیان کے مطابق ملزم نے لڑکی سے زبردستی زیادتی کی، زیادتی کرنے والا شخص کوئی اور نہیں بلکہ گاڑی کا گارڈ تھا۔

متاثرہ لڑکی نے بتایا کہ تمام مسافرمیلسی میں اتر گئے تھے، یہاں آکر مجھے 2 ہزار روپے دیے گئے اور کہا گیا کہ کسی کو مت بتانا، مجھ سے رہا نہ گیا اور یہاں پہنچ کر 15 کوکال کرکے بتادیا۔ پولیس والوں نے کہا کہ ہم ملزم کے خلاف ایکشن لیں گے۔

متاثرہ لڑکی کا کہنا تھا کہ بس میں اس وقت ڈرائیوراورگارڈ تھا، میرے چیخنے پر ڈرائیور نے گاڑی روکی، ڈرائیور پیچھے آنے کی کوشش کررہا تھا لیکن اس نے اسے منع کردیا، گارڈ نے ٹشو کا ڈبہ میرے پر رکھ دیا تھا۔

ملزم گرفتار

دوسری جانب پولیس نے تھانہ دانیوال پولیس نے ملزم کو گرفتار کرلیا اور واقعہ کی ایف آئی آر بھی درج کرلی گئی ہے۔

پولیس کے مطابق ملزم بس کا ہی سکیورٹی گارڈ ہے، بس صادق آباد سے وہاڑی آئی تھی، متاثرہ لڑکی کو بس انچارج خاتون نے جان بوجھ کر اس بس میں بھیجا جب کہ ملزم کو گرفتار کرکے مزید تفتیش کی جارہی ہے۔