قومی کرکٹ ٹیم کے کپتان بابراعظم نے اپنی شادی کے حوالے سے اہم انکشاف کردیا۔

تفصیلات کے مطابق نجی ٹی وی کو دیے گئے انٹریو میں پاکستان کرکٹ ٹیم کے کپتان بابراعظم نے کہا کہ پہلے تمام ساتھیوں کی شادی ہو جائے پھر میں کرلوں گا۔

آئی سی سی ایوارڈز سے متعلق پوچھے گئے سوال پر پشاور زلمی کے کپتان کا کہنا تھا کہ اللہ تعالیٰ کا شکر ادا کرتا ہوں، والدین کی دعائیں بھی ہیں، ایوارڈ ملنے سے خوشی ضرور ملتی ہے مگر اس کا یہ مطلب نہیں ہوتا کہ آپ وہیں رک جائیں۔

یہ بھی پڑھیں؛ بابراعظم کو کپتان بنانے کا مشورہ کس کا تھا؟

خیال رہے کہ پھچلے چند ہفتوں کے دوران قومی ٹیم میں شامل 4 کھلاڑی رشتہ ازدواج میں منسلک ہوئے جن میں شاہد آفریدی کے داماد شاہین آفریدی، ثقلین مشتاق کے داماد شاداب خان, حارث رؤف اور شان مسعود شامل ہیں۔

بابراعظم نے مزید کہا کہ دیگر کئی بڑے اہداف بھی نظر میں رکھے ہوئے ہیں، جہاں تک سیکھنے کی بات ہے وہ عمل کبھی نہیں رکتا، مزید بہتر کارکردگی دکھانے کی بھرپور کوشش کروں گا۔