ملتان سلطانز کے فاسٹ بولر احسان اللہ کا کہنا ہے کہ بابر اعظم کی وکٹ میری لیے سب سے بڑی وکٹ تھی ، کراچی کنگز کے آسٹریلوی میتھو ویڈ کی وکٹ ٹارگٹ پر ہے۔

پاکستان سپرلیگ کے آٹھویں ایڈیشن میں دھوم مچانے والے ملتان سلطانز کے فاسٹ باؤلر احسان اللہ نے بول کو خصوصی انٹرویو دیتے ہوئے کہا کہ گزشتہ پانچ سال اسی سپیڈ اور رفتار سے باؤلنگ کررہا تھا تاہم گزشتہ سیزن میں بدقسمتی سے انجری کی وجہ سے نہیں کھیل پایا۔

ملتان سلطانز کے احسان اللہ نے کہا کہ کوئٹہ گلیڈی ایٹرز کے بلے باز افتخار احمد کو پہلی گیند پر آؤٹ کرنے کی پلاننگ کی ہوئی تھی، افتخار جب آئے تو فیصلہ کیا تھا پیچھے گیند نہیں کروں گا۔

انہوں نے کہا کہ قومی ٹیم کے کپتان اور اسٹار بلے باز بابر اعظم کی وکٹ میری لیے سب سے بڑی وکٹ تھی ، کراچی کنگز کے آسٹریلوی میتھو ویڈ کی وکٹ ٹارگٹ پر ہے۔

ایک سوال کے جواب میں احسان اللہ نے کہا کہ میں سوات کے گاؤں کا رہنا والا ہوں، وہاں صرف پہاڑ ہیں، میرے والد نے مجھے بہت سپورٹ کیا، ان کا شکریہ ادا کرتا ہوں، میں اپنا فیورٹ خود ہیں، باؤلنگ میں لیجنڈ وقار یونس فیورٹ باؤلر ہیں۔