اسلام آباد یونائیٹڈ کے فاسٹ بولر حسن علی نے ٹی ٹوئنٹی کرکٹ میں اہم سنگ میل عبور کر لیا۔

پاکستان سپر لیگ کے آٹھویں ایڈیشن میں اپنا پہلا میچ کھیلنے والے حسن علی نے پشاور زلمی کے بیٹر جمی نیشم کو آؤٹ کر کے ٹی ٹوئنٹی کرکٹ میں اپنی 200 وکٹیں مکمل کیں۔

قومی ٹیم کے فاسٹ بولر نے یہ سنگ میل 156 ٹی ٹوئنٹی میچز میں عبور کیا۔ حسن علی 200 ٹی ٹوئنٹی وکٹیں لینے والے 12ہویں پاکستانی بولر بن گئے ہیں۔

حسن علی سے قبل جنید خان، محمد حفیظ، عمر گل، عماد وسیم اور اظہر محمود بھی یہ کارنامہ انجام دے چکے ہیں۔ اس کے علاوہ شاداب خان، سعید اجمل، یاسر عرفات، محمد عامر، شاہد آفریدی اور سہیل تنویر بھی اس فہرست میں شامل ہیں۔

پشاور زلمی کے سابق کپتان وہاب ریاض نے پاکستان کی جانب سے سب سے زیادہ 405 وکٹیں حاصل کر رکھی ہیں اور وہ پاکستان سپر لیگ کے آٹھویں ایڈیشن میں بطور کھلاڑی پشاور زلمی کی نمائندگی کر رہے ہیں۔