پاکستان تحریک انصاف کے سینئر رہنما و سابق رکن صوبائی اسمبلی پنجاب عامر ڈوگر نے کہا ہے کہ سیکیورٹی کے حوالے سے ہمیں بڑے سخت تحفظات ہیں۔

تفصیلات کے مطابق عامر ڈوگر نے بول نیوز سے خصوصی گفتگو کرتے ہوئے کہا کہ سیکیورٹی انتظامات پر مطمئن نہیں ہوں، سیکیورٹی کے ناکافی انتظامات کئے گئے ہیں۔

عامر ڈوگر نے کہا کہ ہمارے سیکیورٹی کے حوالے سے بڑے سخت تحفظات ہیں، عمران خان اس قوم کا اثاثہ ہیں، خان عدالت آنا چاہتے ہیں اور عدالتوں کا احترام کرتے ہیں۔

دوسری جانب سینیٹر علی ظفر نے بھی بول نیوز سے خصوصی گفتگو کرتے ہوئے کہا کہ عمران خان کی سیکیورٹی بہت ضروری ہے، ان کی سیکیورٹی کا مسئلہ ہے۔

سینیٹر علی ظفر نے مزید کہا کہ عمران خان کی سیکیورٹی کیلئے دوبارہ سے رجوع کیا گیا ہے، امید ہے کوئی نہ کوئی راستہ نکل آئے گا۔