بارسلونا کے بائیں بازو کی میئر نے اسرائیل سے مطالبہ کیا ہے کہ وہ فلسطینی انسانی حقوق کی منظم خلاف ورزی بند کرے۔

بارسلونا نے فلسطین کے حوالے سے اپنی پالیسی پر اسرائیل سے عارضی طور پر تعلقات منقطع کر لیے ہیں، کاتالان کے دارالحکومت بارسلونے کے 25 سال سے تل ابیب اور غزہ کے ساتھ مضبوط تعلقات تھے۔

بارسلونا کے بائیں بازو کی میئر، اڈا کولاؤ نے بدھ کے روز اسرائیلی وزیر اعظم بنجمن نیتن یاہو کو خط لکھ کر اعلان کیا کہ جب تک اسرائیل فلسطینیوں کے انسانی حقوق کی منظم خلاف ورزی کو ختم نہیں کرتا، یہ شہر تعلقات کو معطل کر دے گا۔

میئر اڈا کولاؤ کا کہنا تھا کہ میں نے اسرائیل کی ریاست اور اس ریاست کے سرکاری اداروں کے ساتھ تعلقات کو عارضی طور پر معطل کرنے کا فیصلہ کیا ہے – جس میں تل ابیب سٹی کونسل کے ساتھ جڑواں معاہدات بھی شامل ہیں.

بارسلونا کی میئر کے مطابق جب تک اسرائیلی حکام فلسطینی عوام کی خلاف ورزیوں کے نظام کو ختم نہیں کر دیتے اور بین الاقوامی قانون اور اقوام متحدہ کی مختلف قراردادوں کے ذریعے ان پر عائد کردہ ذمہ داریوں کی مکمل تعمیل کریں۔ ہم خاموش نہیں رہ سکتے.

میئر اڈا کولاؤ نے زور دیا کہ اسرائیل کے بائیکاٹ کا اطلاق ان اسرائیلی یا فلسطینی لوگوں پر نہیں ہوتا جو مشرق وسطیٰ میں امن قائم کرنے کے لیے کام کرتے ہیں.

انہوں نے کہا کہ سٹی کونسل، جو اکثر خود کو بین الاقوامی سیاست میں شامل نہیں کرتی ہے، نے یہ فیصلہ 100 گروپوں اور 4000 سے زیادہ رہائشیوں کے اسرائیل سے تعلقات توڑنے کی درخواست پر دستخط کرنے کے بعد لیا ہے۔

اسرائیلی وزارت خارجہ کے ترجمان لیور ہیات نے سٹی کونسل کے اس اقدام کو بارسلونا کے رہائشیوں کی خواہشات کے خلاف قرار دیتے ہوئے اس کی مذمت کی۔