رہنما تحریکِ انصاف حلیم عادل شیخ کوبڑا ریلیف مل گیا، پولیس نے فائرنگ کے مقدمے سے نام خارج کردیا۔

تفصیلات کے مطابق کراچی کی انسداد دہشت گردی عدالت نے اپوزیشن لیڈرسندھ اسمبلی و رہنما پی ٹی آئی حلیم عادل شیخ کو بڑا ریلیف دے دیا۔

اپوزیشن لیڈر حلیم عادل شیخ پر ایم ڈی اے افسران پر فائرنگ کا الزام ثابت نہیں ہو سکا، پولیس نے مقدمے سے حلیم عادل شیخ کا نام ملزمان کی فہرست سے خارج کردیا۔

پولیس کی جانب سے عدالت میں مقدمے کو داخل دفتر کرتے ہوئے اے کلاس چالان جمع کروا دیا۔

پولیس کا کہنا تھا کہ وقوعہ کے وقت حلیم عادل شیخ سندھ اسمبلی میں تھے۔

انسداد دہشت گردی عدالت نے پی ایس 88 ضمنی انتخابات کے دوران ہنگامہ آرائی سمیت دیگر مقدمات کی سماعت 4 مارچ تک ملتوی کردی۔