متحدہ عرب امارات کے صدر سے آرمی چیف جنرل عاصم منیر نے ملاقات کی جس میں دوطرفہ تعلقات سمیت اہم امور پر تبادلہ خیال کیا گیا۔

تفصیلات کے مطابق آرمی چیف جنرل عاصم منیر نے شیخہ مریم بنت عبداللہ بن سلیم الفلاسی کے انتقال پر شیخ محمد سے دلی تعزیت کا اظہار کیا۔

متحدہ عرب امارات کے صدر شیخ محمد بن زید النہیان نے پاکستان کے چیف آف آرمی سٹاف جنرل عاصم منیر کا قصر الشا میں استقبال کیا۔

جنرل عاصم منیر نے شیخہ مریم بنت عبداللہ بن سلیم الفلاسی کے انتقال پر شیخ محمد سے دلی تعزیت کا اظہار کیا اور صدر عارف علوی اور وزیراعظم شہباز شریف کی جانب سے بھی تعزیت کی۔

دونوں اطراف نے متحدہ عرب امارات اور پاکستان کے دوطرفہ تعلقات اور اپنی اقوام کے باہمی فائدے کے لیے دفاعی امور میں تعاون کو گہرا کرنے کے طریقوں پر تبادلہ خیال کیا۔ ملاقات میں دونوں ممالک کے کئی اعلیٰ سطحی حکام نے شرکت کی۔