اسرائیل کے وزیر اعظم بینجمن نیتن یاہو کی نئی عدالتی اصطلاحات کے خلاف لاکھوں اسرائیلیوں نے سڑک پر احتجاج کیا۔

برطانوی میڈیا کی خبروں کے مطابق گزشتہ رات لاکھوں اسرائیلیوں نے وزیر اعظم کی نئی عدالتی اصطلاحات کے خلاف سڑکوں پر احتجاج کیا، منتظمین کا کہنا ہے کہ یہ احتجاج ملکی کی تاریخ کا سب سے بڑا احتجاج ہے۔

وزیر اعظم بینجمن نیتن یاہو کا کہنا ہے کہ تبدیلیاں جو عدالتوں کی طاقت کو روکیں گی حکومت کی شاخوں کے درمیان توازن بحال کریں گی، دوسری طرف مخالفین کا کہنا ہے کہ اس سے جمہوریت کو خطرہ ہے۔

گزشتہ روز ایک ریلی میں اپوزیشن لیڈر یائر لاپڈ نے کہا کہ یہ اسرائیل کا سب سے بڑا بحران ہے۔

برطانوی خبر رساں ادارے نے احتجاج کے منتظمین کے حوالے سے کہا ہے کہ مسلسل 10 ویں ہفتے سے جاری اس احتجاج میں آج رات تقریباً 5 لاکھ مظاہرین نے شرکت کی تھی جو ملکی تاریخ کا سب سے بڑا مظاہرہ ہے۔

اسرائیل کے مختلف شہروں میں لاکھوں مظاہرین نے وزیر اعظم بینجمن نیتن یاہو کی نئی ترامیم کے خلاف سڑکوں پر احتجاج کیا۔

تل ابیب میں تقریباً 2 لاکھ لوگ جمع ہوئے جن میں سے اکثر نے اسرائیل کا قومی پرچم اٹھا رکھا تھا۔

تل ابیب میں برطانوی خبر رساں ادارے کے ایک پروڈیوسر نے مظاہروں کو اب تک کا سب سے مصروف ترین مظاہروں کے طور پر بیان کیا اور کہا کہ مظاہرین کا ایک نہ رکنے والا بہاؤ رات گئے تک سڑکوں پر احتجاج کرتا رہا۔

قابل ذکر بات یہ ہے کہ مظاہرین نے پولیس سربراہ امیچائی ایشد کی تعریف کی جب وہ ریلی میں یونیفارم میں چل رہے تھے۔

واضح رہے کہ اسرائیلی وزیر اعظم بینجمن نیتن یاہو کی سخت گیر حکومت نے پہلے ضلعی کمانڈر کو ہٹانے کی کوشش کی تھی، لیکن اس اقدام کو ملک کے اٹارنی جنرل نے روک دیا تھا۔

یروشلم میں برطانوی خبر رساں ادارے کے نمائندے کا کہنا ہے کہ عدلیہ اور حکومت کے درمیان کمانڈر کے عہدے پر تصادم اہم ہے اور یہ ممکنہ آئینی بحران کو مزید پیچیدہ کر سکتا ہے۔

نمائندے کا کہنا ہے کہ نئی ترامیم کے تحت اسرائیل کی سول سروس اور سیکیورٹی فورسز حکومت سے احکامات لینے سے قاصر ہیں.

گزشتہ روز 50 ہزار مظاہرین نے اسرائیل کے شمالی شہر حیفہ میں بھی احتجاج کیا۔