بیس بال کھلاڑی کی مردہ تصویر شیئر کرنے پر کروڑوں کا ہرجانہ

امریکہ میں بیس بال کھلاڑی کی حادثے میں ہلاکت کے بعد فائر فائٹرز کی جانب سے تصاویر شیئر کرنے پر 28.5 ملین ڈالرز کا ہرجانہ کر دیا گیا۔
غیر ملکی میڈیا کی رپورٹس کے مطابق امریکہ کے بیس بال کے معروف کھلاڑی کوبی برائنٹ ہیلی کاپٹر حادثے میں ہلاک ہو گئے تھے، ریسکیو عملے نے کھلاڑی کی حادثے کے بعد کی تصاویر سوشل میڈیا پر شیئر کی تھی۔
کوبی برائنٹ کے اہل خانہ نے لاس اینجلس انتظامیہ کے خلاف کھلاڑی کی ہولناک تصاویر سوشل میڈیا پر شیئر کرنے پر ہرجانے کا دعوی کیا تھا، لاس اینجلس کاؤنٹی نے کیس ختم کرنے کی شرط پر 28.5 ملین ڈالرز کی ادائیگی پر رضامندی ظاہر کر دی ہے۔
یہ بھی پڑھیں : بیس بال کھلاڑی یوکی یناگیٹا، سب سے زیادہ معاوضہ لینے والے پلئیر بن گئے
واضح رہے کہ 26 جنوری 2020 میں لاس اینجلس کے مغربی علاقے کالاباساس کے پہاڑی علاقے میں کوبی برائنٹ ہیلی کاپٹر حادثے میں ہلاک ہو گئے تھے، حادثے میں 8 دیگر افراد میں ان کی بیٹی بھی شامل تھی۔
عدالت نے لاس اینجلس انتظامیہ کو این بی اے اسٹار کوبی برائنٹ کے اہل خانہ کے ساتھ تصفیہ کا مشورہ دیا جس پر عمل کرتے ہوئے انتظامیہ نے کوبی برائنٹ کی اہلیہ وینیسیا رائے کو 28.5 ملین ڈالرز کی ادائیگی پر کیس ختم کرنے پر راضی کر لیا ہے۔
واضح رہے کہ بیس بال کھلاڑی کوبی برائنٹ کی اہلیہ وینیسیا رائے کے ساتھ لاس اینجلس کاؤنٹی کے مابین تصفیے کے مطابق وینیسیا رائے معاوضے کی ادائیگی کے ساتھ کاؤنٹی کے خلاف کیس کو واپس لیں گی۔
یہ بھی پڑھیں : بیس بال ٹیم مینیجر کی فضائی موٹر بائیک پر انٹری
بیس بال کھلاڑی کوبی برائنٹ کے وکیل نے ایک بیان میں کہا کہ آج برائنٹ کی اہلیہ کی جرات مندانہ جنگ کے کامیاب خاتمے کا دن ہے، جو اس گھناؤنے طرز عمل میں ملوث افراد کو جوابدہ ٹھرائے گی۔
کوبی برائنٹ کے وکیل لوئس لی نے مزید کہا کہ وینیسیا رائے اپنے مرحوم شوہر، اپنی بیٹی اور کمیونٹی کے ان تمام افراد کے لیے لڑیں جن کے متوفی خاندان کے ساتھ اسی طرح کی بے عزتی کی گئی۔
لاس اینجلس کاؤنٹی کی نمائندگی کرنے والی اٹارنی میرا ہاشمل نے بیان کو “منصفانہ اور معقول” قرار دیتے ہوئے کہا کہ ہم امید کرتے ہیں کہ محترمہ برائنٹ اور ان کے بچے اپنے نقصان سے صحت یاب ہوتے رہیں گے۔
یاد رہے کہ کوبی برائنٹ امریکہ کے مشہور بیس بال کلب لیکرز اسٹار کے رکن تھے، کوبی پانچ مرتبہ این بی اے چمپئین اور باسکٹ بال ہال آف فیم کے رکن بھی تھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News

